Nagising ako na wala na sa couch. Nagising ako na masarap na masarap ang pagkakahiga sa kama ni Thaddeus. Nang tignan ko ang kabilang side ay medyo lukot, tanda na may humiga roon.
Bumangon ako at kahit sabog pa ang buhok ay humakbang na palabas. Nakita ko si Thaddeus na nakaupo sa couch, nakapatong sa hita nito ang laptop at seryosong-seryoso na nakatitig sa screen. Tapos dinampot nito ang cellphone at may tinawagan. Ilang saglit pa'y nag-uusap na ang mga ito.
"Dale, sabihin mo kay Mommy uuwi rin ako kapag hindi na ako busy. Si Isabella tiyakin n'yong masusundo n'yo."
Nagawi ang tingin ni Thaddeus sa akin. Bigla akong na conscious sa itsura ko kaya naman dali-daling bumalik ako sa kwarto. May nakita akong paper bag ng isang mamahaling store sa bedside table, nilapitan ko iyon. Nang
