Mainit ang ulo ko. Bukod sa hindi na sinagot ni Mace ang tawag ko'y wala pang reply sa mga chat ko no'ng magising ako at nagpadala ng mensahe rito.
Ngayon, pumasok ako sa opisina na dala ang init ng ulo. Lahat tuloy ay ilag sa akin.
Nagpadala ako ng mensahe sa ina ni Mace na si Mrs. Marcella Monte Ciento, pero nag-send lang ito ng larawan ni Macang na ngayon ay apat na buwan na. Malusog ang anak namin ni Mace. Gustong-gusto ko na ngang pupugin nang halik ang bata, pero hindi pa naman pwede.
Lalo't halos linggo-linggo akong sinusundan ng panganib. Hindi ko alam kung sino iyong mga bantay ko, pero sila ang dahilan kung bakit buhay pa ako hanggang ngayon.
Pauwi na ako, gano'n pa rin. Mabigat pa rin ang pakiramdam. Nang mabasa ko ang pagyaya ni L.A na magtungo sa isang bar, kasama ang
