SKYE
Naalimpungatan ako nang may liwanag na tumama sa mukha ko. Unti-unti akong nagmulat at kinapa ang bedside table para kunin ang phone ko. Nang mahawakan ko iyon, sinilip ko ang oras. It was already nine in the morning. Kinusot ko muna ang mga mata ko at bahagyang nag-unat-unat bago umupo sa gilid ng kama.
Magaan ang pakiramdam ko ngayong umaga kumpara nitong mga nakalipas na araw. Siguro nakatulong din talaga ang pag-uusap namin ni One kahapon. Pati na rin ang desisyon kong kalimutan na lang at patawarin siya sa kasalanan niya sa akin.
Even if our conversation yesterday didn't turn out on what I expected, it was still okay. Hindi pa rin ako nawawalan ng pag-asang babalik ang dating samahan namin ni One.
Tumayo na ako at naglakad palabas ng kuwarto. Nabitin sa ere ang paghihikab ko
