YANA
"Sinasabi ko na nga ba't may pinaplanong hindi maganda yang Marlou na yan eh! Nakita mo ba yung itsura ni Sofia nung tumayo s'ya after n'yang mainom yung juice? Parang nahilo bago alalayan nung siraulong lalaking yon. Hindi man lang napansin ng ibang staff, jusko!" narinig kong sabi ni Klarisse habang nasa elevator kami.
Kahit sobrang kinakabahan ako sa pwedeng mangyari kay Kat, sinusubukan kong maging kalmado dahil ayoko ring may makaalam ng nangyayari.
"Sigurado naman tayo na dun sa kabilang kwarto n'ya dadalhin si Kat no?" pagsisigurado ko kay Justine nung nandun na kami sa tapat ng kwarto na binook nila.
Tumango naman si Justine.
"Yun yung sabi nung kakilala ko dito." ngumiti s'ya sa akin. "Don't worry, walang mangyayaring hindi maganda kay Sofia."
"Shh, ayan na yata sila."
