TATLONG kalalakihan ang umawat kay Glenn bago ito natigil sa pananakit kay Fabio. Nanlumo si Stella nang makita ang hitsura ni Fabio na naliligo sa dugo ang mukha. Dahil na rin sa tama ng alak kaya hirap itong kumilos at hindi nakaganti kay Glenn. Pero bilib din siya sa haba ng pasensiya ni Fabio.
Ayaw nitong magpadala sa ospital kahit may aircraft naman. Mabuti may available na nurse sa resort at kumpleto ang first aid kaya doon na ginamot si Fabio. Sumama rin siya sa clinic ng resort.
“F*ck you, Glenn,” usal ni Fabio habang nakahiga sa sketcher at ginagamot ng nurse na lalaki ang mga sugat at pasa nito sa mukha.
Sumugod din doon si Carlo at tumulong. Namaga ang kaliwang mata ni Fabio, patuloy sa pagdurugo ang ilong, may punit ang ibabang labi.
“Mas mainam siguro dalhin na natin siya
