“WHY don’t you tell him the truth?” tanong ni Fabio kay Stella.
Hindi niya pinansin si Fabio, sa halip ay si Glenn ang hinarap niya pero itinago na niya sa drawer ang picture.
“Noname? Are you okay?” tanong ni Glenn, tiningnan ang ginagawa niya.
“Ah, yes. Pasensiya na, magulo ang kuwarto ko,” alibi niya.
Mabuti lumabas na si Fabio. Tiyak na uusigin ulit siya nito tungkol sa nakaraan nila ni Haru. Siya na lamang ang kumuha ng mga unan at kumot at dinala sa kuwarto ng papa niya. Nakabuntot sa pa rin sa kaniya si Glenn. Idinadalangin niya na nawa ay makalimutan na nito ang picture. Isa pa naman si Haru sa nagti-trigger ng emosyon nito.
“Dito ka matutulog mamayang gabi,” aniya habang inaayos ang kama sa kuwarto ng papa niya.
“Huh?” Bakit dito? Hindi ba nasa kabila ang kuwarto mo?” ani Gl
