PARANG walang nangyari at bumalik sila sa lesson. Masigla nang pinanood ni Glenn ang video, pero alam ni Stella na iba ang tumatakbo sa isip nito. Kahit magalit siya ay wala ring saysay. Magiging ipokrita siya kung sasabihing hindi siya nag-enjoy sa ginawa sa kaniya ni Glenn.
“What is your desire, Stella?” biglang tanong ni Glenn, na bumasag sa katahimikan.
Napatingin siya rito, inalipin ng kaba. Natanong din niya sa sarili kung ano nga ba ang gusto niya. Wala pa sa plano niya na makipagrelasyon sa lalaki, lalo nang malaman niya ang nangyari kay Glenn. May mga nanligaw rin naman sa kaniya ngunit sadyang sarado pa ang puso niya para sa iba.
Suntok sa buwan na mapapansin siya ni Glenn noon, kaya sinarili lamang niya ang kaniyang obsesyon dito. Pero nangarap siya na maging boyfriend si Gle
