TODO pigil ng ihi si Stella at hinintay niyang makalabas ng banyo si Glenn. Naalala niya, ang tagal pa naman nitong labasan. Hindi siya nakatiis, kinatok na niya ang pinto.
“Sir?” tawag niya. Baka sakaling kailangan nito ng tulong.
Mamaya ay bumukas ang pinto pero nakaharang ang malaking katawan ni Glenn at masama ang tingin sa kaniya.
“What do you think you are doing?” may iritasyong tanong nito.
“Sorry. Ihing-ihi na talaga ako,” aniya.
“Come in.” Nilakihan nito ang pagbukas ng pinto.
Nawindang siya. “Ha? Eh nariyan ka pa sa loob.”
“I will wash my hands, and you can go inside to pee.”
Hindi na niya ito inintindi. Pumasok na siya at dumiretso sa toilet na karugtong ng sink. Walang abog na nagbaba siya ng pants kahit naroon si Glenn at naghuhugas ng kamay sa lababo. Hindi naman siy
