NAGTATAKA si Denise bakit hindi pa bumabalik si Jegs simula nang magpaalam ito upang bisitahin ang parents. Niya. Halos twenty-four hours na itong wala. Ang sabi nito, pagbalik nito ay lilipat na sila sa CDO. Ang sabi naman niya, hindi siya sasama rito hanggat hindi niya natiyak na ligtas na ang kanyang mga magulang.
Hindi siya makatulog. Nakailang tawag na siya kay Jegs pero hindi ito sumasagot. Wala rin si Riegen para matanong niya. Naroon lang siya sa kuwarto at nagdala na siya roon ng pagkain. Natatakot siyang bumaba mag-isa sa ground floor baka biglang lumabas ang mga ahas ni Riegen.
Panay ang silip niya sa bintana baka may darating. Mamaya ay natukso siyang tawagan ang kanyang ina. Nakatatlong dial siya bago may sumagot.
“Anak?” boses ng kanyang ina.
Napaiyak siya sa pananabik. “
