NAHIHILO pa rin si Denise kahit kumain na siya. Ilang oras na siyang nakakulong sa kulob na pasilidad. May kama roon, banyo pero wala siyang nakita kundi pulos puti na kapaligiran. May maliit na bintana ang pinto pero nabubuksan lang ng security sa tuwing maghahatid ng pagkain.
Ilang beses na siyang nagsuka. Hindi niya maintindihan ang nangyayari sa kanya. Maganda pa naman ang pakiramdam niya noong isang araw. Pero noong umaga pa lang ay sinisikmura na siya. Hindi lamang niya ininda dahil mas iniintindi niya ang mga magulang niya at mga empleyado. Nag-aalala na rin siya para kay Jegs.
Tatakasan pa sana niya si Crista noong naglabasan ang mga ahas ni Riegen. Nagtago siya sa kuwarto pero hindi niya alam kung paano nakapasok ang mga bampira kinahapunan. Nakapasok si Crista. Nasira ang shie
