NAKALAMAN ng daddy ni Denise ang nangyari sa branch office. Dahil doon ay hindi na siya nito pinabalik sa Talisay. May itinalaga na itong manager at ang kanyang ina ay hindi na bumalik sa trabaho. Bawal na itong ma-stress dahil sa mild stroke na naranasan nito.
Sabado ng umaga ay sinamahan niya ang mommy niya kay Dr. Romero, na siyang cardiologist niya. Pero hindi naka-duty ang naturang doktor dahil may emergency raw sa pamilya nito. Ibang doktor daw ang makakaharap nila.
Hindi pumasok sa araw na iyon si Sean dahil wala naman siyang duty sa opisina. Ang driver ng daddy niya ang nag-drive para sa kanila. Noong nasa Talisay sila ni Sean, halos wala silang tulog dahil inasikaso nila ang nangyaring krimen sa branch office. Simula noon ay hindi na niya masyadong nakakausap ang binata dahil pa
