ILANG buwan na ang nakalipas ngunit hindi pa rin nawawala sa alaala ng mag-ina si Axel. Kahit ang mga larawan nito ay hindi pa rin inalis ni Quinn, araw-araw pa rin niya itong pinapalinis. Napapadalas rin ang pagdalaw ni Warren sa bahay nila, napalapit ang loob si Thorn sa kaniya dahil ito ang laging nag-comfort sa tuwing nalulungkot siya. Tinuruan rin ito ni Warren ng basic na martial arts.
"Tito Warren, kausapin ko si Mommy, na kunin ka niyang personal bodyguard. Para laging safe siya—" Naputol ang kanilang pag-uusap nang biglang lumabas si Quinn.
"Sinong safe?"
"Mom, sinabi ko kay Tito Warren, na gawin ka niyang personal bodyguard. Para lagi po kayong safe."
"Naisip ko rin iyan, anak. Hmmm… puwede mo ba kaming iwan sandali? May pag-uusapan lang kaming importante."
"Okay po, Mom."
