PAGBALIK ni Margareta sa garahe ay namataan niya si Zandro na binubuksan ang pinto ng kotse nito. Patakbong tinungo niya ito at dagling hinapit ang braso nito. Awtomatiko'y napatingin ito sa kanya.
"Bakit?" seryosong tanong nito.
Pinagninilayan niya ito. Wala naman siyang maramdaman na kakaiba sa hitsura nito. Nasisiguro niya na wala itong sapi.
"Kailangan ko ng tulong mo, Zandro" samo niya.
"Bakit? Anong problema?" kunot noong tanong nito.
"Si Kenji..." hindi niya natuloy ang sasabihin nang mamataan niya si Kenji na naglalakad patungo sa kanila. Maayos naman ang hitsura nito ngunit napansin niya ang nag-aapoy nitong mga mata.
Nawindang siya nang bigla na lamang nito sinugod si Zandro at pinatamaan ng malakas na suntok sa mukha. Bumulagta sa sahig si Zandro, ngunit nagsusumikap pa r
