Matapos ang ilang sandaling nakatulala, naghilamos na siya ng kanyang mukha. Gusto niyang magising sa kanyang kahibangan. At ng makabawi nasa mga isipin niya, minabuti niyang lumabas na lamang para initin na ang mga pagkain. Alam niyang wala na rin naman siyang magagawa dahil nangyari na at tapos na ang lahat.
Ang kanyang tatay naman ay umiinom pa rin ng kape habang isinasawsaw nito ang isang pirasong pandesal. Pero napansin niya ang isang tab ng custard na halos nakalahati na ang laman. Alam kasi niya buo pa iyon, wala pang bawas.
Agad siyang lumapit sa kanyang tatay at tiningnan niya ang tab na noon ay kalahati na ang laman.
"Tay, kayo po ba ang kumain nito?" tanong niya sa ama.
Ngumiti ito sa kanya na tila nagpapa-cute pa at halatang may kasalanang ginawa.
“Hala si tatay naman e
