Medyo natagalan ang kanilang food kaya naman pinalakas niya ang kanyang loob na kausapin ang kanyang Tiyo Atlas.
"Tiyo Atlas, gusto ko lang po sanang linawin iyong nangyari sa atin kaninang umaga." Panimula niya.
Natigil naman ito sa pagtingin sa cellphone. May pinapanood kasi ito doon na animo sadyang inilalayo ang atensyon sa kanya. Pero dahil nagsalita siya ayon, binitiwan nito ang phone at tumingin sa kanya.
"Go on hija, dapat talaga mapag-usapan natin ang tungkol diyan." Wika pa nito.
Tumango naman siya bilang pag sang-ayon.
"Katulad po ng nasabi ko na, gusto ko pong linawin ang lahat. Ang nangyari po sa atin ay isang pagkakamali lamang. Malaking pagkakamali na dapat ay iwaksi na natin sa ating isipan. Nakikiusap po ako sa inyo na sana manatili na lamang na lihim ang bagay
