Kabanata XXIV
Maagap na binuksan ni Savvy ang pintuan nang makita ang kapatid niya sa peephole. Katatapos lang niyang maligo at talagang hinihintay na niya ito. Hapon na. Pinakuha lang niya ito ng laruan pero inabot na ng kung ilang oras kaya sobra na ang pag-aalala niya.
Si Perla ay saglit na nagpaalam sa kanya dahil magpapaalam daw nang matino sa mga magulang. Kukuha na rin daw iyon ng damit.
“Susko, Yesmond! Akala ko kung napaano ka na,” nag-aalalang sabi niya sa kapatid.
Para itong matamlay pero ngumiti pa rin sa kanya. Kukunin na sana niya ang dala nitong kahon nang maagaw ang pansin niya ng lalaking papalapit, may benda ang braso pero gwapong gwapo sa sarili dahil nakuha pang magsuot ng sunglass. Bitbit nito ang susi ng sasakyan at isang manika ni Holy, iyong paborito ng bata
