Point of view
- Keith Valentine -
Nanlalamig ang aking buong katawan sa takot at pagkabagabag dahil sa nakikita ko ngayon sa taong nasa aking harapan. Ayokong isipin na siya si Rea. 'yong babaeng minahal ko.
"Rea gumising ka Rea ano ba!!"
Pero wala talaga siyang naririnig patuloy lang siya sa dahan-dahan niyang paglalakad papunta sa aking kinatatayuan, nang bigla niyang iniangat ang kaniyang kamay sa hangin.
Naramdaman ko ang mabilis na paglutang ng aking katawan sa ere at tumapon ako sa may pader. Halos nailabas ko ang maraming dugo sa aking bibig nang mga oras na 'iyon. Hindi pa ako nakabababa sa sahig ay mabilis niyang hinawakan ang aking leeg at sinakal ako.
Ang bilis niyang kumilos at napakalakas niya. Malakas pa siya kay Vlad. Naamoy ko ang dugo ng isang bampira sa kaniya. Wala
