Chapter 35
Ipinasok ko sa aking magkabilang tainga ang earphones para makinig ng music habang naglalakad. Masyado silang masaya sa pakikipag-usap kay Liya kaya gagawa na lang ako ng sariling mundo. Tamang-tama rin ito na pampatanggal ng sakit sa ulo dahil hanggang ngayon ay hindi pa rin maayos ang pakiramdam ko.
“Ano’ng pinapakinggan mo?” Agad akong napalingon sa humablot ng earphone sa kaliwang tainga ko.
Mabilis na inilagay ni Uno ito sa kanyang kanang tainga at pinakinggan ito.
“Your Universe, favorite ko ’to,” masayang sabi niya sa akin at medyo lumapit para hindi mahatak ang wire.
Sumabay siya sa kanta at tumingin sa akin na para bang ako ang kinakatahan niya.
Tumingin na ako sa daan pero nanatili akong nakikinig sa boses niya, hindi na sa music.
Lumingon ako sa direksyon ni
