"UY, girl!"
Mula sa pagre-retouch ay tiningnan niya sa katabing salamin ang kasamahan sa Business Unit ng Nogara Logistics na si Leslie. May malaking ngiti sa mukha nito. Nasa comfort room sila at naghahanda na para sa pag-uwi.
"Parang kanina ka pa nagpapaganda riyan, a! May date kayo ni Alex, ano?"
She grimaced. Tinapos niya muna ang paglalagay ng mascara bago ito sinagot.
"No. I'm not dating anyone. Si Alex, kaibigan ko 'yun. We go out sometimes, but not for a date."
"Sus! Mag-aabala ba 'yung sumundo sa'yo nang madalas kung kaibigan ka lang? Baka sa'yo kaibigan lang, pero sa kaniya iba."
Hindi siya kumibo. Kung iba man ang tingin sa kaniya ni Alex ay wala na siyang magagawa. Basta siya, malinaw ang pakita niya na kaibigan lang ito para sa kaniya. Kahit pa noong sinusubukan niyang
