Eurie's Pov:
Tatlong araw na ang lumipas, mainit pa rin ang balita tungkol sa pagkakaroon ng itinagong anak 'daw' ni Nigel Montecillo. Bakit ba hindi ko alam na sikat pala ang taong 'yon? Kahit sa anong channel sa telebisyon o sa internet man ay may balita tungkol sa kaniya! Mabuti na lang talaga at walang nakakuha ng litrato sa mukha namin ni Kyrie kung hindi ay baka pinagpipyestahan na din kami ng media ngayon. Pinakiusapan ko din si Nigel na hangga't maaari ay huwag sanang ipaalam ang aming mga totooong pagkakakilanlan, para kay Kyrie, dahil ayaw kong maging magulo lalo ang buhay niya. Tinugon naman ako ni Nigel at nangako siyang hindi lalabas sa media kung sino nga kami.
Napapayuko na lamang ako habang naglilinis ng counter. Nakaupo kasi doon sina Ella sa harapan at sumisipat sila ng
