Eurie's Pov:
"Bakit ang tagal mong bumalik?" tanong ni Ivy nang mapansin niya na naupo na ako sa harap ng mesa ko. "Pinagalitan ka ba ni sir N?"
Mariin kong naitikom ang bibig ko at nakaramdam ako ng hiya. Sh!t.
"S-Si sir Nigel ba? H-Hindi, a-ano... may mga itinuro lang siya sa akin na dapat kong gawin," pagsisinungaling ko.
"Ahh, mabuti! Mainitin kasi ang ulo niyang boss natin. Hindi 'yan umiimik pero kapag pinagalitan ka niyan naku manginginig ang buo mong katawan!" ani Ivy na nagta-type sa kaniyang computer. "Isa lang naman ang malakas ang loob na pumasok d'yan, si Ms. Alona!"
Alona? 'Yon din ang pangalan na nabanggit ni Ms. Crieselda ah?
Iniabot sa akin ni Ivy ang makapal na patung-patong na mga papeles, "Patulong ako, paki-sort naman ang mga ito according sa date? Ang dapat na
