NAKAGAT ni Malina ang ibabang labi habang nakatulala sa kawalan at iniisip kung ano ang dapat gawin upang mapapayag ang lalaki. Okay lang sana kung hindi ito sumakay sa pagpapanggap niya kanina, baka malusutan pa niya si Cielo. Ngunit ngayon na nakilala na ito ng babae, wala na siyang ibang magagawa kundi panindigan na ito talaga ang boyfriend niya.
Itinaas niya ang hawak na selpon at mariing tinitigan ang monitor nito. Nakatitig siya sa f*******: account ni Atticus. Nakakainis lang dahil sa halip na picture nito, isang itim na larawan ang display picture ng lalaki. Halatang hindi pa rin ito nakaka-move on mula sa kung sino mang unlucky ex-wife nito. Unlucky dahil pinakawalan pa nito si Atticus.
Isa pang ikinainis niya ay maging hanggang sa mga oras na iyon, hindi pa rin in-a-accept ng l
