Reese Jayana “Tomboy” Abad
“Mommita…” Tawag ko sa pangalan niya. “Kumalma na po kayo dahil hindi magiging maganda ang patuloy na pag-iyak ninyo.”
“Kasalanan ko ito! Kasalanan ko kung bakit lumaki ng ganyan si Juno. Lahat binigay namin sa kanya. Masyado kaming naging maluwag. Dahil nag-iisang anak ay bukod tanging siya lamang ang inasikaso namin mag-asawa. Maliit pa lang ay nakikita na namin ang pagiging pilyo niya pero pinagsawalangbahala namin ni Opal iyon. Nagkamali kami ng pagpapalaki sa kanya.”
Patuloy ang paghahagod ni Mommy sa likuran ni Mommita upang pakalmahin. “Mama, wala kayong kasalanan. Kung meron nagkamali dito ay iyon mismo si Juno. Hindi niya pinapahalagahan ang bagay na meron siya at mas nagpabulog siya sa karangyaan na mayroon kayo.”
“Mabuti na lang at hindi nakuha ni
