Chapter 58
Napamulat si Leigh nang pumasok ang Mama niya sa kwarto. Nang umuwi siya ay wala ito. May nakaiwan na note sa pintuan,
Mahal kong Meri Lee, sasahod si Mama ngayon. Babalik din ako pagputi ng uwak. Nagmamahal, Mam Charo.
Si Clive ang unang nangiti pagkabasa nun. Pamilyar naman siguro ito kay Ma'am Charo kahit bilyonaryo ito. Baka nanonood din ito ng palabas noong kapanahunan.
Pinakain kaagad siya ni Clive pagdating nila. Inasikaso siya at pinainom ng gamot na bigay ng ama ni Jillian sa kanya. She has a mild fever. Iyon lang naman ang nararamdaman niya at wala ng iba, o baka dala na rin ng stress kaya masama ang pakiramdam niya.
Napalinga siya dahil kanina ay kasama niya iyon sa kwarto pero ngayon ay wala na. Umuwi na ba iyon?
"Nasa sala si Clive. Kumusta ka? May sakit ka ra
