~oOo~
Maaga pa akong nagising para magluto ng agahan, hindi ko alam kung ano ang kinakain nila sa umaga kaya nagluto na lang ako ng itlog, ham at hotdogs. 'Yon naman kase kadalasan ang kinakain kapag breakfast. Tulog pa siguro si Manang Minda kase wala pa siya sa kusina, nagsaing na rin ako habang nagluluto ako. Nagtimpla muna ako ng gatas para sa akin.
Nakasandal ako sa kitchen sink habang umiinom ng gatas, nakaharap ako sa pintuan. Muntik ko nang mabitawan ang baso ng gatas ng makita kong pumasok si Angelo sa kusina, magulo ang buhok niya. Mukhang kakagising niya lang. Wala siyang damit pang itaas, naka pajama lang ito na kulay itim. Agad akong nag-iwas ng tingin.
"G-good morning po." I manage to say.
Mabilis kong inubos ang gatas ko, mabuti nalang at hindi na ito masyadong mainit.
