~oOo~
Pagkagising ko kinaumagahan ay naghanda kaagad ako ng umagahan namin, napangiti ako habang nagluluto ako kase katabi kong natulog ang anak ko. Ito ang unang pagkakataon na nagtabi kaming matulog mula noong iniwan ko siya at napakasarap sa pakiramdam no'n.
Pagkatapos kong magluto ay pumunta ako sa kwarto ko kung saan mahimbing na natutulog ang anak ko, walang bakas sa mukha niya na nasaktan siya kahapon. Parang normal lang ang lahat sa kanya, siguro nasanay na rin siyang sarilinin ang problema niya at sanay na rin siyang ma overcome ito ng hindi ipinapaalam sa iba. Pinagmasdan ko muna siya nang ilang minuto bago ko siya ginising.
"M.A., gising na. Late na oh."
Bumaluktot lang siya at niyakap ang Spongebob niyang stuffed toy, kasing laki niya ito. Mahilig talaga siya sa cartoon c
