***CORINNE’s POV***
Nagising ako na nasa silid pa rin ni Jagr. Napabalikwas ako ng bangon, at napalobo ang mga pisngi ko nang maalala ko ang nangyari sa pagitan namin kagabi.
Laking pasalamat ko pala dahil mag-isa na lang ako sa kama, dahil kung katabi ko pa siya ngayon ay baka kung ano ang magawa ko sa kanya. Baka tinabunan ko na ang mukha niya ng unan hanggang sa malagutan siya ng hininga.
‘Ayup siya! Binitin ako!
Bubulong-bulong ako sa inis habang lumalabas ng silid. At nadagdagan pa ang aking pagkairita nang makita ko sina Tyson at Jagr sa balkonahe ng villa. Ang dalawang hudyo prenteng nagkakape.
Madaling tumayo si Tyson. “Magandang morning, Miss Corinne,” at as usual, magiliw niyang bati sa akin.
“Join us here. Kape tayo,” sabi naman ni Jagr. Parang walang ginawang pambibitin
