IYA
"Magpinsan ba talaga kayo ni Rohan?"
Mula sa ginagawang pagdo-drawing ni Yllak ng male character sa sketchpad niya ay salubong ang kilay na nag-angat siya ng tingin. "Why the sudden question, Iya?"
Nagkibit-balikat ako. "Wala naman. Curious lang talaga ako."
Nangako ako kahapon na tatahimik at hindi na magtatanong tungkol sa magpinsan. Pero, kay Rohan iyon. Ibang usapan kung si Yllak ang tatanungin ko. Kung wala akong makuhang sagot sa guwapong kapitbahay ko, kay high school crush at sa book illustrator ko ako magtatanong. Mukhang mas madali pang kausap si Yllak kaysa sa pinsan niya. Tsk.
Nandito kami ngayon sa LPH. Pumunta ako sa publishing house dahil kinausap ko ang editor ko tungkol sa second manuscript na ipinasa ko. May minimal errors kasi itong nakita at inayos ko. And then
