"Ano Chelle, may nakita ka na?" excited na tanong ni Alma sa anak. Nasa kuwarto sila ni Donya Maria kasama si Atty. Helen Balbuena, hinahanap nila ang alahas na nakatago.
"Wala naman 'ata dito, Mommy. Baka naman may napagbigyan siyang tao bago mo siya denido," angal ng dalagita, dahil halos nahalughog na nila ang buong kuwarto pero wala pa silang nakikita.
"May punto ang anak mo, Alma," sang-ayon ni Atty. Balbuena.
"At kanino naman niya ibibigay aber?" taas kilay si Alma. Mataray na hinalukipkipan nito ang dalawa.
"Wala ba kayong alam na tao na pinagkakatiwalaan ng matanda?" tanong ng Atty.
Nagkatinginan ang mag-ina saka sabay na napailing.
"Si Edna lang ang bukod tanging mahal at pinagkakatiwalaan ng matanda. Kung 'di nga rin namin nadispatcha ang batang iyon ay malamang sa ampon ni
