"Ishmael, naibalik na ba ang mga data sa system ng PNP?" tanong ko sa kanya at nagbabaka-sakali na may iilang dokumentong naisalba si Ishmael.
"Ang website lang ang nagawa kong ibalik pero ang mga data ay wala akong nakuha kahit isa," sagot ni Ishmael sa akin at nahimas ko na lang ang aking noo dahil sa sinabi niya. Labis akong nanglulumo dahil sa sitwasyon naming ito. Marahil ay kay Shiela na lang ako makikisuyo kung maaari niyang alamin ang mga impormasyon na kailangan ko.
"Sige, salamat," tugon ko sa kanya at pinatay ko agad ang usapan namin tapos ay sinimulan ko na munang ipasa kay Shiela ang mga pangalan ng miyembro ng The Serpents tapos ay tinawagan ko na siya.
"Shiela? Maaari mo bang tingnan kung may mga kaso na kinasangkutan ang mga pangalang binigay ko sayo?" bungad ko sa ka
