Rhodora
"She's pregnant."
Parang humintong bigla ang aking paghinga sa narinig kong sinabing 'yon ng doctor na sumuri sa akin. Kumabog ng malakas ang dibdib ko dahil sa gulat at kabang naramdaman ko.
Unang pumasok sa isip ko ay ang pamilya ko, lalong-lalo na ang mga magulang ko. Kung paano ko ito sasabihin sa kanila. Siguradong magagalit sila, lalo't sinusunod ng pamilya namin ang nakalakihang tradisyon na kasal muna bago magpagalaw. Bukod pa doon, katatapos lang ng naging relasyon namin ni Marcel mahigit dalawang buwan na ang nakalilipas.
Ano'ng gagawin ko ngayon?
"R-Really? May baby na talaga?" tanong pa ni Skyler sa doctor na tila hindi rin makapaniwala. Nasa tabi ko siya at hawak ang kamay ko.
"Yes, Iho," nakangiting sagot ng doctor. Napangiti din si Tita Empress sa tabi nito.
