Rhodora
Tanghali nang maihatid ako ni Skyler sa bahay namin. Binuhat niya ako palabas ng kotse.
"Anak!" Sumalubong naman kaagad sa akin ang pamilya ko, at nangunguna si Mama. "Ano'ng nangyari sa mga braso at paa mo?"
Gulat ang lumarawan sa mga mukha nila nang makita nila ang mga bandage ko.
"Pasensiya na po, Tita. Hindi ko po nasabi sa inyo na nagtamo siya ng mga malalaking sugat sa mga paa at braso niya noong tumakbo siya sa kagubatan," sagot naman ni Skyler habang patuloy sa paglalakad papasok sa loob ng bahay. "Pero medyo okay naman na po ngayon ang mga sugat niya. Tuyo na po sila. Ang sabi ko sa kanya ay ipahinga lang muna at huwag maglakad nang maglakad."
Dinala niya ako sa sofa at maingat na iniupo. Nakasunod naman silang lahat sa amin.
"Kaya ko naman na po talaga, Mama, Papa,
