"Bakit narito na ang dalawang bata? Nasaan si Aqui at Matilda?" takang tanong ko kay Bechay nang makita kong buhat nito ang dalawang car seat papasok ng kwarto ko. Hingal na hingal pa si Bechay na halatang napagod sa ginawang pag-akyat.
"Nagkayayaan daw po sila Sir Aqui at ang mga pinsan n'ya na magtungo sa bar. Tapos po si Ma'am Matilda ay pupunta lang daw po ng salon. Tayo raw muna po ang bahala sa mga bata."
Tumango naman ako. Nang akma ko nang tatanggalin sa car seat si Aly ay bigla na lang kaming niyanig nang malakas na pagsabog. Napatili pa kaming dalawa ni Bechay.
"Bechay, ang mga bata!" tili ko. Agad na in-secure si Aly sa car seat at binitbit. Si Bechay naman ay agad nilapitan ang car seat ni Andy. Nag-iiyak na ang mga ito. Agad kaming nagtungo sa pinto. Pansin ko na ang uso
