“Miss Catalina, at your back!”
Isang sigaw na nagmumula kay Leinard ang nagpabalik sa akin sa hwisyo. Saktong pagtingin ko sa kaniya ay ang pag-ikot niya ng ulo sa isang demonyo. Agad na humiwalay ang ulo nito sa katawan na siyang unang bumagsak sa lupa. Inihagis naman niya kung saan ang napugot na ulo.
“F-ck! At your back!” sigaw niyang muli sa akin at halos manggalaiti na sa lakas noon.
Kulang na lang ay lumipad siya patungo sa kinaroroonan ko. Siguro ay mayroong halos limang dipa rin ang layo namin sa isa’t-isa. Ngumisi lang ako sa kaniya kasabay nang pag-ikot ng aking katawan. Pinag-ekis ko ang dalawang katana at marahas na nilaslas ang isang demonyo na akmang susugod sa akin. Ito ang kanina pang isinisigaw ni Leinard. Masyadong kabado. Ang dami kasing nainom na
