CHARLIE
“Charlie, huy! Kanina ka pa hinihintay sa labas. Ilang oras ka na dyan sa banyo. Okay ka lang ba talaga? Sure kang kaya mong sumama sa dinner? Para kasing may naririnig akong sumusuka. May sakit ka ba? Masama ba pakiramdam mo? Gusto mo ba sabihin ko na lang kila Justine na hindi na tayo sasama? Bantayan na lang kita dito.” narinig kong sabi ni Jops pagkatapos n’yang kumatok ng ilang beses sa banyo.
Agad naman akong naghilamos at tiningnan ko yung mga mata kong namumula dahil maluha-luha ako matapos sumuka ng ilang beses. Pero wala akong sakit at hindi rin masama yung pakiramdam ko. Ganito lang talaga ako kapag sobrang kinakabahan. At hindi ko alam kung bakit ako nakakaramdam ng ganito.
Hindi nga ba talaga, Charlize Garcia? Hindi ba yan dahil natatakot ka na baka kapag nalaman
