CHARLIE
"Teka, san tayo pupunta? Bakit kailangan may dala tayong mga gamit? May shooting ba? Bakit hindi ako sinabihan nung road manager ko? Akala ko sabi n'ya, one week akong pahinga?" napatingin naman kaming lahat kay Maybelle. Hala, seryoso? Matagal nang sinabi sa amin ni Justine yung tungkol dito ah. At isa pa, dapat sa aming lahat, s'ya yung mas makaalala kung ano yung okasyon at kung bakit kami aalis.
"Is that a serious question, Couz?" see? Kahit si Angela, pareho ng reaksyon sa akin. Pero baka busy lang talaga si Maybelle kaya nawala sa isip n'ya. Pero pasalamat na lang din s'ya at wala dito si Klarisse dahil kung hindi, lagot na naman s'ya sa isang 'yon.
"Jelai, mukha ba akong nagbibiro? Nakangiti ba ako?" sarkastikong tanong pa ni Maybelle. Mukhang seryoso ngang nakalimutan n'
