PROBLEMA tungkol kay Seth ang bumungad sa amin sunod na mga araw. Hindi siya umuwi sa mansion at ngayon nga ay hindi mahagilap. Mukhang nagtago na sa aming lahat. Alam niya kasing hindi ito palalagpasin ni Daddy. Ang problema hindi namin alam kung nasaan siya at nag-aalala rin si Mommy.
Walang perang hawak si Seth. Wala ring nagpahiram at wala ring alam ang mga kaibigan niya kung nasaan siya ngayon. Ang huling trace nito ay nasa Mindoro at sumakay ng roro. Pagkatapos no'n, hindi na alam kung nasaan si Seth.
Tumulong na rin si Axel pero wala pa rin. Maski ako ay nag-aalala na rin.
"He's really hiding. Hindi naman mahahanap ang taong ayaw magpakita. Kung tumira siya sa bundok o malayo sa sibilisasyon. Mahirap 'yong hanapin talaga. Uuwi rin siya kapag gusto niya."
"Eh paano nga kung hindi
