Chapter Seventy
Governor Colton Andreras
Bagyo
Malakas na ang buhos ng ulan. Isa ang Santa Dominga at San Ildefonso sa tiyak na lugar na sasalantain ng bagyo.
"Handa na po ang bawat barangay sa paparating na bagyo, Governor Andreras
" imporma ni Sorsiah sa akin.
Lahat na ng pwedeng contact-in ay na contact na namin. Nakipagpulong na rin ang mga mayor kasama ang mga ahensya na eksperto sa bagyo at sakuna.
"Pakitawag si Felip."
"Yes, gov." Dali-daling lumabas sa opisina ko si Sorsiah.
Mayamaya lang ay dumating na si Felip.
"Anong balita kina Lucinda?"
"Okay naman, governor. Nagsisimula pa lang daw umulan doon. Naiayos naman na ng mga tauhan ang lahat."
"Good."
"Relax lang, gov. Hindi nila pababayaan si Miss Lucinda." Tumango naman ako.
"Makibalita ka roon, Felip. I-update mo ak
