NAKARINIG kami ng palakpakan sa mga pamilya namin at maging sa ibang taong nakasaksi sa proposal ni Rey ngayong gabi. Bigla akong nahiya dahil sa ginawa niya.
“Congratulations, Iha! Finally, totoo na itong engaged na kayong dalawa at hindi namin pinilit,” sabi ni tita Richelle sa amin.
“Thank you po, tita Richelle. Hindi ko po inaasahan na magpo-propose po siya... Akala ko po ay bakasyon lang talaga kami ngayong walo,” sabi ko sa kanila.
Wala talaga sa bokabolaryo ko ngayon na ma-e-engage ako sa kanya.
“Sweetheart, kami rin naman. Kahapon lang kami kinausap ni Rey about this. Ayaw na raw niya patagalin ang tungkol dito. Dapat daw ay ilang taon na kayong kasal kung hindi lang nangyari ang tragedy noong debut mo. Kaya bakit pa raw patatagalin? Kaya pumayag na kaming lahat, maging ang kuy
