"BAKIT IKAW ANG nagluluto, honey? Where is Manang Doris? Kahapon ko pa siyang hindi nakikita."
Natigilan na lang si Faith sa paghahalo ng niluluto niyang sinangag nang marinig iyon. Pinatay niya ang kalan dahil luto na naman at hinarap ang asawa niyang nakabihis pangtrabaho na. Sunod-sunod siyang napalunok dahil sa takot. Ni hindi siya nakatulog dahil sa nangyari kahapon. Iyong ginawa ni Hazel kay Manang Doris, nasa utak niya pa rin magpahanggang ngayon at wala yatang balak na umalis sa utak niya. Diyos ko, bakit naman kasi binaril ni Hazel ang matanda? Kumusta na kaya ito ngayon? Maayos lang kaya ito? O nasaan na ito?
"Umalis si Manang Doris kahapon. N-Nagpaalam s-siya na u-uwi siya sa p-probinsya dahil may s-sakit ang a-anak niya..." nauutal niyang anas saka tinungo ang lamesa at inayo
