KUNG siya ang tatanungin, dapat nga magalit siya dahil iniwan siya nang walang paalam. Masakit para kay Ariella ang ginawa ni Devyn na pang-iiwan sa kaniya noon. Magdadalawang taon niyang dinala ang sakit dahil sa ginawa nito. Nabuntis siya, nanganak siya, at lumaki na rin ang anak niya, ni hindi niya nasilayan si Devyn nang panahong iyon. Pero ang lahat ng galit na kaniyang nararamdaman ay nawala nang bumalik ito sa kaniyang buhay at pinatawad na rin siya sa mga kasalanang ginawa niya. Masaya si Ariella dahil mabubuo na rin ang kaniyang pamilya at makakasama na rin ni Devon ang ama nito na si Devyn.
"Saan nga pala tayo pupunta?" naguguluhan niyang tanong.
Lulan sila ng kotse ni Devyn habang minamaneho ito ni Mang Lando. Halos kalahating-oras na silang nabiyahe pero ngayon lang siya nagl
