Part 15
Isang masamang balita ang natanggap ko noong mga sandaling iyon dahil sa pagkamatay ng ina ni Robert. Sinubukan niya itong isugod sa ospital ngunit hindi na rin umabot at naabutan lang ito doon sa kanyang taxi. Pagkatapos na pagkatapos ng aking segment ay agad akong nagpahatid upang makita siya at damayan sa kanyang pighating pinagdadaanan. Kahit papaano ay naging malapit rin sa aking puso ang ina niya lalo't ilang beses ko rin itong tinulungan dahil nais ko talagang mapabuti ang kanyang lagay bagamat alam kong malala na ang sakit nito.
Talagang dumarating sa punto ng buhay ng isang tao ang dumadaan sa matinding pagsubok at pighati, sa palagay ko ay dumating it okay Robert. Noong dumating ako sa ospital ay natagpuan ko itong nakatalungko sa isang sulok at umiiyak, nanginginig ang
