Wala ng nagawa si Isabelle kundi ang ipinagtapat sa asawa ang tungkol sa pagsugod ng babae sa opisina at ang dahilan kung bakit mainit ang ulo ilang araw na ang nakalipas.
"What? Aba'y wala akong kaalam-alam sa bagay na iyan, my love! Sino-sino ba ang mga taong nagbigay sa mga iyan? Aba'h! Magkasama tayo araw-araw, my love!"
Sigurado siya sa kaniyang sarili. Wala siyang ginagawang masama. Ngunit uminit talaga ang ulo niya dahil sa mga scandalous videos at larawang dala-dala ng asawa. Laking pasasalamat lamang niya dahil inamin nito ang tungkol doon.
"Alam ko, my love. Kaya ko nga ito sinabi sa iyo. Dahil ayaw kong magkalamat ang ating pagsasama dahil sa bagay na walang kasiguraduhan," anito.
Ilang taon na silang nagsasama bilang mag-asawa. Patunay lamang ang dalawa nilang anak. Kahit
