MULA sa loob ng kuwarto ay mayroon pang isang sekretong pinto na nasa likod ng bookshelf wall divider, at may password ito.
"Tanging ang pamilya Sirocco lang ang nakakaalam sa kuwarto na ito," Pahayag ng ama niya.
"Huwag po kayong mag-alala Papa, itatago ko ang tungkol dito."
"Good! Pero kung kayo ang magkakatuluyan ni Jacob, walang problema kung sasabihin mo sa kaniya."
"Okay, Pa."
Agad binuksan ni General Sirocco ang laptop at pinanood nila ang footage ng cctv, nakita nila ang isang grupo na mula sa labas ng pinto hanggang sa pagpasok ng mga ito. Kahit ang ginawa nilang paghalughog sa mga gamit ay nakita rin nila at nakita rin nila kung paano barilin ng isang lalaki ang isa nilang kasamahan.
"Pa, sandali! Paki-balik doon sa last part."
"This?"
"Oo! Paki-pause," utos niya sa am
