REAGAN FAYE RODRIGUEZ
UMUPO ako sa gilid ng kama. Hinarap ko s’ya at maingat kong nilapag ang tray sa ibabaw ng kutson. Kinapitan ko na ang kutsara para masubuan ko na ang demonyitong na love sick. “Boss, nganga na. Ibuka mo na ang mga labi mo. Hindi naman siguro mahirap gawin ‘yan, ‘di ba?”
Tinapat ko na sa naka-tikom na bibig ni boss ang kutsarang may laman na lugaw. Hindi s’ya maka-tingin ng diretso sa ‘kin. Naka-titig lang sa kung saang bahagi ng kuwarto. “Boss open your mouth na… nakakangalay kaya…”
Kumurap lang s’ya ng isang beses at dahan-dahang binuka ang kan’yang mga labi. Doon ko pinasok kaagad ang kutsara. “Ano, masarap ba?” Wala man lang s’ya naging reaks’yon sa tanong ko at alam ko naman na hindi n’ya ako sasagutin. “Boss, ubusin mo ang lahat ng ‘to ha? Bawal tayo mag-sa
