Habang pinagmasdan ang natutulog na bata ay biglang sumikip ang dibdib ni Margaret. Noong una niyang nasilayan ang mukha ng kanyang anak ay alam na niyang hindi ang asawa ang tunay na ama nito. Hindi niya alam kung nagduda ba si Keith o ano pero halata naman sa mukha ng kanilang anak na iba ang hitsura nito.
Mabait si Keith at ni minsan ay hindi pa niya ito nakitaan ng masamang ugali maliban sa okasyonal na pagseselos nito. Hindi na niya mabilang kung ilang beses na siyang bumuntonghininga pero simula nang nagbalik-probinsya sila ay hindi na siya mapakali pa.
Bawat araw ay natatakot siya na baka magkrus ang kanilang landas ni Nick o di kaya ay ni Meghan. Aminado siya sa kanyang sarili na malaki ang naging kasalanan niya sa dalawa pero wala pa siya sa tamang h
