Ginawa na niya ang lahat ngunit hindi pa rin tumigil sa pag-iyak si Meghan. Pati si Manang Merlie ay nabahala na rin tungkol sa sitwasyon ng babae. “Subukan na lang natin ulit,” paulit-ulit niyang sabi kay Meghan ngunit patuloy din ang pag-iling nito.
“Hanggang kailan tayo ganito Nick?”
“Okay lang naman sa akin kahit wala, eh!” Bahagyang tumaas ang boses ng lalaki dahil kanina pa niya kinausap ang babae pero ayaw pa ring makinig. “Kung hindi tayo bibigyan ng anak ay okay lang,” dagdag pa niya.
Natawa si Meghan sa mga pinagsasabi ni Nick dahil hindi siya nito naintindihan. “Madali lang para sayo kasi hindi ka babae!”
“Magpatingin tayo sa doctor,” suhestiyon ni Nick.
Maganda ang hangarin ng lalaki ngunit iba ang dati
