BUONG biyahe na tahimik lang si Agatha at Alfonso, pero ramdam na ramdam sa loob ng sasakyan na may mabigat na hanging nakapalibot sa kanilang dalawa. Maging si Riguel ay napansin 'yon pero minabuti niyang hindi na lang magtanong sa takot na mabuhos pa sa kanya ang kung ano mang nararamdaman ng dalawa.
"Cancel all my meetings this afternoon."
Napatingin si Agatha sa gobernador nang marinig niya itong magsalita. Bakas sa boses nito ang inis na hindi niya alam kung ano ang dahilan. Nagtanong lang naman siya kanina.
Was it too personal? Wala siyang maalala sa mga sinabi niyang pwedeng maka-offend dito. She was plainly asking. Hindi na rin niya napigilan ang mainis dito. Hindi niya talaga ito maintindihan. Gusto niya sanang mapag-isa, pero hindi niya naman 'yon magagawa dahil hawak siya sa
