NAKAKAINIS!
Gigil na gigil si Agatha habang umaakyat siya ng hagdan. Gusto niyang balikan ang gobernador at sabunutan ito at pagsasampalin at nang magising ito sa reyalidad. Hindi siya makapaniwala sa sinabi nito sa kanya. Halatang-halata masyado na ma-pride ito. Ni hindi man lang ito humingi ng sorry sa kanya. Instead siya pa ang ang inutusan nitong sabihin ang lahat ng nararamdaman niya.
“Tanga ba siya?” naibulalas na lang niya bago itinapon ang sarili sa kama. “Imposible namang hindi niya mahalatang galit ako sa kanya, ‘no? Kung hindi nga, ay ewan ko na lang sa hinayupak na ‘yon.” Nagpagulong-gulong siya sa kama habang tinatakpan ng unan ang kanyang mukha upang hindi marinig ang inis niyang tili.
“He’s so unbelievable!” Marahas siyang bumuga ng hangin bago pinagsusuntok ang unan. In-
