Nike Trinidad
Ang huli kong ginawa bago ang kasal ay ang tawagan si Emman upang hingin ang kanyang tulong na makausap ang kapatid ni Nicolette na si Kenneth. Nagdadalawang isip ‘man ay hindi isang magandang gawain kung babaliwalain ko sila, lalo na ang aking biyenan na lalaki.
May kaba sa aking puso dahil wala silang alam tungkol sa akin. ‘Paano ko ba sasabihin ang lahat? Ano ba ang tamang salita na dapat kong sabihin para hindi nila masamain ang aking pag-iimbita.’ Bilang isang lalaki, kailangan kong panindigan si Nicolette. ‘Bahala na kung ano ang mangyayari. Ang mahalaga makuha ko ang kanilang presensya sa aming kasal.’
‘Ito na!’ sabi ko sa sarili habang dinadayal ang number ni Kenneth. Sa bawat ring ng cellphone ay siyang dagundong ng aking puso.
“Hello, who’s this?” tanong ng lal
